22 мая 2019 г. на кафедры «Прамысловая электроніка» Гомельскага дзяржаўнага тэхнічнага ўніверсітэта імя П.В. Сухога адбылася VІІ алімпіяда па радыёэлектроніцы, якая праводзілася ў фармаце асабістага спаборніцтва патэнцыяльных абітурыентаў спецыяльнасцяў «Прамысловая электроніка» і «Інфармацыйныя тэхналогіі і кіраванне ў тэхнічных сістэмах». Заданні на алімпіяду складаліся такім чынам, каб яе ўдзельнікі мелі магчымасць прадэманстраваць свае здольнасці ў практычнай частцы раздзела «Электрычнасць і магнетызм», курса фізікі ўстаноў агульнай сярэдняй адукацыі. На думку арганізатараў, вырашэнне задач, арыентаваных на будучую прафесійную галіну, дазваляе патэнцыяльным абітурыентам зацікавіцца пытаннем паступлення на вышэйзгаданыя спецыяльнасці ўніверсітэта. Прыняўшы ўдзел у прафесійна-арыентаванай алімпіядзе, навучэнцы ўстаноў сярэдняй адукацыі маюць магчымасць дакладней спраектаваць свой уласны прафесійны маршрут, суаднесці свае здольнасці з вынікамі раней пройдзеных прафесійных тэстаў.

Удзел у алімпіядзе прынялі 15 навучэнцаў.

Пераможцамі алімпіяды сталі:

Дыплом I ступені – Пронін Ілья Уладзіслававіч, Гомельскі гарадскі ліцэй № 1

Дыплом IІ ступені – Касцянок Дзяніс Вітальевіч, Гомельскі гарадскі ліцэй № 1

Дыплом IІІ ступені – Ягіпцаў Данііл Сяргеевіч, Гомельскі гарадскі ліцэй № 1

Рэйтынг удзельнікаў мае наступны выгляд:

Пераможцы алімпіяды былі ўзнагароджаны памятнымі прызамі ад кафедры «Прамысловая электроніка» і ад факультэта аўтаматызаваных і інфармацыйных сістэм. Акрамя прызавой тройкі, дыпломамі былі адзначаны навучэнцы філіяла Рэспубліканскага інстытута прафесійнай адукацыі «Гомельскі дзяржаўны дарожнабудаўнічы каледж» Дар'я Вароніна і Уладзіслаў Воранаў, якія ўпершыню за час правядзення алімпіяд склалі сур'ёзную канкурэнцыю навучэнцам Гомельскага гарадскога ліцэя № 1.

Перад пачаткам алімпіяды была праведзена экскурсія па выпускаючай кафедры «Прамысловая электроніка» с прэзентацыяй стэндавага абсталявання кафедры і выставай навукова-тэхнічных распрацовак кафедры.

Арганізатары выказваюць спадзяванне, што ўдзельнікам VІІ алімпіяды па радыёэлектроніцы спадабалася атмасфера інтэлектуальнага спаборніцтва, і што кола ўдзельнікаў алімпіяды штогод будзе пашырацца.

Юрый КРЫШНЕЎ,
]]>fais.gstu.by]]>