А тым больш , што свет зусiм не вузкi.

Ды калi ты не бязродны сын,

Гавары са мной па-беларуску.

Я. Янiшчыц

      Сёння ва ўсiм свеце адзначаецца Мiжнародны дзень роднай мовы. Ужо дваццаць гадоў гэта свята, заснаванае ЮНЕСКА, праводзiцца з мэтай абароны моўнай i культурнай разнастайнасцi. Мова – частка чалавечай культуры, гістарычнай спадчыны. Дзякуючы ёй, працягваюць жыць традыцыi, бо мова абуджае цiкавасць да пазнання свету, садзейнiчае праяўленню павагi да нашага мiнулага i служыць элементам аб'яднання людзей незалежна ад месца i часу iх пражывання. Беларусам у спадчыну засталася па-сапраўднаму ўнiкальная мова: самая мiлагучная пасля iтальянскай, самая старажытная сярод славянскiх i адна з самых багатых у свеце.

      «Пачувайся беларусам…» - пад такiм слоганам ва унiверсiтэце, у агульнай чытальнай зале бібліятэкі навучальнага корпуса №2, адбылася сустрэча студэнцкай моладзі з гомельскімі паэтамі Галiнай Рагавой i Вольгай Астапенка.

       Галiна Рагавая - вядомая паэтка, перакладчык, аўтар трох паэтычных эборнiкаў, член лiтаратурнага аб'яднання «Пралеска», лауреат мiжнародных i абласных лiтаратурных конкурсаў, на беларускай мове прачытала свае вершы пра цікавыя жыццёвыя гісторыі, пра родны край, мясцiны, дзе нарадзiлася, пра каханне.

      Вольга Астапенка – журналiст, рэдактар аддзела сацыяльнай абароны насельнiцтва газеты «Гомельскiя ведамасцi», лаўрэат абласнога лiтаратурнага конкурсу iмя Кiрiлы Тураўскага ў намiнацыi «Адкрыццё года» (2019г.). Студэнты з захапленнем слухалi пранiкнёныя радкi вершаў пра душу, сям'ю, каханне, аб пошуку свайго шляху жыцця ў выкананнi аўтара.

       Загадчык кафедры «Прамысловая электронiка» Крышнёў Ю.В. прадставiў прэзентацыю «Дзень роднай мовы» i правёў тэматычную вiктарыну, у якой актыўна ўдзельнiчалi студэнты.

       Міжнародны дзень роднай мовы – гэта яшчэ адна нагода, каб кожнаму беларусу задумацца аб лёсе нашай мовы, больш размаўляць па-беларуску, бо нашы бацькі, дзяды і прадзеды нямала зрабілі, каб беларуская мова была прызнана як роўная сярод іншых моў свету.

С. Качур