4 кастрычніка 2023 года кафедру “Прамысловая электроніка” факультэта аўтаматызаваных інфармацыйных сістэм наведала начальнік групы Аб’яднанага Інстытута Ядзерных Даследаванняў Какауліна Алена Сяргееўна.

У рамках гэтага наведавання быў праведзены шэраг сустрэч па навукова-тэхнічным супрацоўніцтве паміж АІЯД і ГДТУ імя П.В. Сухога. Акрамя гэтага, Алена Сяргееўна прачытала аглядную лекцыю студэнтам групы ПМ-31, дзе распавяла, як працуюць паскаральнікі ад стварэння пучка, яго паскарэння лінейным паскаральнікам, прынцыпы дзеяння паскаральнікаў Бустер і Нуклатрон.

Таксама былі прааналізаваны ўсталёўкі Вялікага адроннага калайдэра, асноўныя дэтэктары для рэгістрацыі зараджаных і нейтральных часцінак, фотапамнажальнікі, прынцыпы іх дзеяння, асноўныя патрабаванні да іх (надзейнасць, разрозненне па часе і току), нейтрынавыя тэлескопы ў Антарктыдзе і на Байкале.

Пракаментаваны некаторыя факты са стварэння атамнай бомбы (Манхэтэнскі праект). Было закранута пытанне пра будову матэрыі на кварковым узроўні.

Алена Сяргееўна выказала пажаданне студэнтам быць дапытлівымі, пашыраць свой навукова-тэхнічны далягляд, пазнаваць найноўшыя распрацоўкі ў электроніцы.

Аўтары: дацэнт, к.т.н Ю.В. Крышнеў,

інжынер А.Я.Запольскі