У рамках летняй азнаямленчай практыкі адбылася сустрэча студэнтаў 1 курса спецыяльнасцей "Электронныя сістэмы і тэхналогіі" і "Сістэмы кіравання інфармацыяй" кафедры "Прамысловая электроніка" з прадстаўніком хостынг-правайдэра HOSTA.BY і кампаніі "Ліберці-трэйдзінг" Шлыкавым Андрэем Эдуардавічам.

Сустрэча студэнтаў 1 курса кафедры з прадстаўніком кампаніі HOSTA.BY Шлыкавым А.Э. 

Андрэй Эдуардавіч паразмаўляў са студэнтамі ў фармаце адкрытага дыялогу, расказаў ім пра кампанію HOSTA.BY і яе дзейнасць. А таксама правёў лекцыю аб сучасных інфармацыйных тэхналогіях, базавых паняццях хостынгу, крыптатэхналогій і блокчэйна.

Сустрэча студэнтаў 1 курса кафедры з прадстаўніком кампаніі HOSTA.BY Шлыкавым А.Э.

Пасля гэтага адбылася сустрэча Шлыкава А.Э. з прадстаўнікамі кафедры Крышнёвым Ю.В. і Запольскім А.Я. з мэтай абмеркавання далейшага супрацоўніцтва ў новым навучальным годзе.

Удзел Шлыкава А.Э. у якасці члена журы 2 Міжнароднага адкрытага конкурсу стартап-праектаў ERA Startup, праведзенага на кафедры "Прамысловая электроніка" - уручэнне сертыфіката пераможцы конкурсу на паслугі HOSTA.BY

Варта адзначыць, што Андрэй Эдуардавіч з'яўляецца выпускніком кафедры "Прамысловая электроніка", рэгулярна праводзіць сустрэчы са студэнтамі, а таксама ўдзельнічае і падтрымлівае мерапрыемствы кафедры. Так, у 2023 і 2024 гадах ён удзельнічаў у якасці суарганізатара такіх мерапрыемстваў кафедры, як ERA Знаёмства, ERA Дзеянне і ERA Startup. Акрамя гэтага, на базе кампаній Ліберці-трэйдзінг і HOSTA.BY, студэнты 3 і 4 курсаў праходзяць практыкі, а некаторыя з іх знаходзяць там і месца для працаўладкавання пасля заканчэння навучання.

Матэрыял падрыхтаваў аспірант, інжынер кафедры "Прамысловая электроніка"

Запольскі А.Я.