17 ліпеня кандыдату тэхнічных навук, дацэнту кафедры «Прамысловая электроніка» факультэта аўтаматызаваных інфармацыйных Карпаву Уладзіміру Аляксандравічу споўнілася 70 гадоў!

Уладзімір Аляксандравіч працуе ва ўніверсітэце з 1978 г. (з перапынкам у 1987–1990 г.г.) і  мае агульны стаж навукова-педагагічнай працы 43 гады.
За перыяд шматгадовай працы ён распрацаваў тэарэтычны матэрыял і падрыхтаваў лабараторны практыкум для правядзення 5 дысцыплін спецыяльнасцей, замацаваных за кафедрай. За апошнія 5 гадоў Карпавым У.А. падрыхтавана 6 навучальных праграм, 5 навучальна-метадычных выданняў,
2 ЭВМК. Карпаў У.А. з’яўляецца аўтарам  навучальнага дапаможніка "Электромагнитные расходомеры", манаграфіі "Измерительные цепи pH-метров" (у суаўтарстве з А.Ф. Кірасіравым). Уваходзіў у аўтарскія калектывы падчас распрацоўкі дзяржаўных адукацыйных стандартаў Рэспублікі Беларусь  1-га і 2-га пакаленняў па спецыяльнасці вышэйшай адукацыі 1-36 04 02 "Прамысловая электроніка".
У цяперашні час Карпаў У.А. чытае 6 лекцыйных курсаў, кіруе курсавым і дыпломным праектаваннем студэнтаў спецыяльнасцей 1-36 04 02  і 1-53 01 07, з’яўляецца навуковым кіраўніком магістрантаў спецыяльнасці 1-39 80 03. У 2006 г. пад кіраўніцтвам Карпава У.А. абаронена дысертацыя на сушуканне навуковай ступені кандыдата тэхнічных навук аспірантам Кавалёвым А.В., які пасля гэтага застаўся працаваць на кафедры, і цяпер працуе на пасадзе дацэнта кафедры.

Карпаў У.А. сістэмна займаецца навукова-даследчай работай. Асноўныя накірункі навуковай дзейнасці Карпава У.А. – распрацоўка інфармацыйна-вымяральных пераўтваральнікаў і расходаметрыя. На працягу працоўнай кар’еры ім выканана 19 фінансаваных гаспадарчых дагавораў, а цэлы шэраг яго разработак быў укаранёны ў серыйную вытворчасць. Мае 98 апублікаваных навуковых работ, 35 дакументаў аб правах на інтэлектуальную уласнасць, больш за 20 актаў укаранення вынікаў навуковых даследаванняў у вытворчасць. У дадзены момант Карпаў У.А. з’яўляецца кіраўніком гаспадарчага дагавора № 537-23 "Стварэнне канструкцыі трансфарматарнага металадэтэктара для кормаўборачнага камбайна" для ААТ "Гомсельмаш". У 2023 г. праведзена распрацоўка, выраб і лабараторныя выпрабаванні макетнага ўзору металадэтэктара ў зменшаным маштабе. Варта адзначыць надзвычай высокі навукова-інжынерны ўзровень дацэнта Карпава У.А., што дае яму магчымасць з поспехам перадаваць веды студэнтам падчас працэсу навучання, а таксама кіраваць магістрантамі і аспірантамі.
Карпаў У.А. займаецца выхаваўчай работай, неаднаразова працаваў у складзе прадметнай экзаменацыйнай камісіі на ўступных экзаменах у магістратуру, працуе ў якасці куратара студэнцкіх груп.
Калектыў кафедры «Прамысловая электроніка», дэкан факультэта аўтаматызаваных інфармацыйных сістэм І.І. Сутарма, студэнты і выпускнікі кафедры сардэчна віншуюць Уладзіміра Аляксандравіча з Юбілеем!
Жадаем творчых поспехаў, моцнага здароўя, рэалізацыі ўсіх задуманых ідэй!

Загадчык кафедры
“Прамысловая электроніка»
Крышнёў Ю.В.
інжынер,аспірант,
кафедры “Прамысловая электроніка”
 Запольскі А.Я.