У 2017 годзе Беларусь адзначае адну з найважнейшых дат сваёй гісторыі і культуры – 500-годдзе беларускага і ўсходнеславянскага кнігадрукавання і беларускай Бібліі. 6 жніўня 1517 года ў пражскай друкарні пабачыла свет кніга «Песни царя Давыда еже словуть Псалтыр» Францыска Скарыны. Гэта значная дата шырока адзначаецца не толькі ў Беларусі, але і ва ўсім свеце.

20 красавіка, у чытальнай зале на тэму беларускага кнігадрукавання і моўнай культуры беларусаў са студэнтамі ЭФ і ФАІС сусрэліся госці: навуковы супрацоўнік Веткаўскага музея стараабрадніцтва і беларускіх традыцый імя Ф.Р. Шклярава Ларыса Дзмітрыеўна Раманава і паэт, сябра Саюза беларускіх пісьменнікаў Валянціна Дзмітрыеўна Восіпава.

Літаратурная сустрэча пачалася з верша ў выкананні вядучага бібліятэкара Аксаны Рудзянок і песні «Ластаўка» (Анастасія Алексава).

Асаблівую цікавасць удзельнікаў мерапрыемства выклікаў прывезены з музея сапраўдны асобнік Псалтыра, надрукаванага напачатку ХІХ стагоддзя.

Ларыса Раманава і Валянціна Восіпава правялі со студэнтамі міні-віктарыну і адзначылі найбольш актыўных удзельнікаў паштоўкамі з беларускімі слоўцамі і галоўным прызам: сумкай со скарынаўскім «сонцам маладзіковым».

Напрыканцы сустрэчы студэнтам прадэманстравалі кароткі фільм «Экскурсія ў сучасную друкарню».

«Напісанае застаецца» - гаварылі старажытныя рымляне. Францыск Скарына пакінуў нашчадкам кнігі, у якіх засталіся самыя патаемныя яго думкі. Гэтыя кнігі велікага беларуса ўспрымаюцца сёння як самая дарагая нацыянальная святыня, як сімвал усёй тысячагадовай беларускай культуры. Як запавет нашчадкам даносяцца да нас з XVI стагоддзя пранікнёныя і мудрыя словы Ф.Скарыны: «Любіце кнігу, бо яна – крыніца мудрасці, ведаў і навукі, лекі для душы».

Падрыхтавала бібліятэкар Вольга Сотнікава
Ала Лупиненка
Фота Юліі Кінчынай

Больш фота на ]]>https://vk.com/event145222229]]>